O‘tgan kun davomida jahonda ro‘y bergan eng asosiy voqea va yangiliklar sharhi bilan kundalik xabarnomada tanishtiramiz.

Eron Ho‘rmuz bo‘g‘ozini ochdi, biroq kemalar o‘tishi uchun 3 ta asosiy shartni ham e’lon qildi, deb xabar berdi Tasnim agentligi. Birinchidan, bo‘g‘ozdan harbiy kemalarning o‘tishi taqiqlanadi. Kemalar faqat tijoriy bo‘lishi, ularning egalari va yuklari Eronga dushman hisoblangan davlatlarga aloqador bo‘lmasligi kerak.

Amerika prezidenti, shuningdek, Eron AQSh ko‘magida Ho‘rmuz bo‘g‘ozini o‘zining dengiz minalaridan tozalashni boshlaganini ma’lum qildi..

Kemalar oldindan «kelishilgan yo‘nalish bo‘yicha» harakatlanishi mumkinligi ta’kidlanmoqda..

Turarjoy xonadonlarini maishiy gaz ballonlari bilan ta’minlashda davlat xizmatini ko‘rsatish»ning ma’muriy reglamenti Hukumat qarori bilan tasdiqlandi. Reglamentga ko‘ra, davlat xizmati Davlat xizmatlari markazlari yoki YIDXP (my.gov.uz) orqali vakolatli operator tomonidan ko‘rsatiladi. Maishiy gaz balloni tabiiy gaz bilan gazlashtirilmagan...

Vashington Rossiya nefti va neft mahsulotlarini, agar ular allaqachon tankerlarga yuklangan bo‘lsa, sotishga nisbatan sanksiyalarni yana bir bor - bu safar 16 maygacha bekor qildi. Bundan avval AQSh moliya vaziri bu yengilliklar uzaytirilmasligini aytgan edi..

O‘zbekiston sportchilari Bangkokda o‘tkazilgan kikboksing bo‘yicha Jahon kubogida umumjamoa hisobida ikkinchi o‘rinni egalladi. Ular 36 ta oltin, 22 ta kumush va 14 ta bronza, jami 72 ta medalga sazovor bo‘ldi. Xalqaro turnirda 32 davlatdan 1000 nafardan ortiq sportchi ishtirok etdi.

Qozog‘iston prezidenti O‘zbekiston va Qozog‘iston xalq artisti Farrux Zokirovni 80 yillik yubileyi munosabati bilan II darajali “Do‘stlik” ordeni bilan mukofotladi. “Sizning san’atingiz ko‘p yillardan buyon turli avlod va elat vakillarini birlashtirib kelmoqda”, — deb ta’kidladi Qasim-Jomart Toqayev.